ചാപല്ല്യമനസിന്റെ വികൃതികള്‍

 

മൌനത്തിനപ്പുറം  നീയാണെന്റെ

ജീവനും  ജീവിതവും!

കൂട്ടിലകപെട്ട കിളിയുടെ ചുണ്ടില്‍  

തീറ്റ തന്നൊരു 

കരുണയുള്ള ഹൃദയമല്ലേ; 

കൂട് തുറന്നുതന്ന  സ്നേഹമുള്ള 

പെണ്‍ കൊടിയല്ലേ  നീ!

നിന്റെ  ചിരികാണാന്‍, നിന്നോടൊപ്പം  

എന്റെ ഇരുളാര്‍ന്ന ജീവിതം 

ചിലവിടാന്‍ തുനിഞ്ഞത്  തെറ്റെന്നറിയുന്നു; 

അറിയാതെ തോന്നിയ,

ആരാധനയില്‍ ജനിച്ച എന്‍ പ്രണയം 

മരിച്ചുകൊള്ളും ഇത്തിരിനാള്‍ 

കൂടികഴിയുമ്പോള്‍ !

നീയൊരു ദേവത , നിന്‍ വാക്കുകള്‍  

തേന്മൊഴി,

നിന്റെ ജീവിതവും പ്രവര്‍ത്തിയും 

എന്നുമെന്‍ കിനാവ്.

അറിവുകള്‍ ചൊല്ലിടും നിന്‍ നാവില്‍ 

എന്റെ ഹൃദയത്തിലെ മധുരം പകര്‍ന്നത് 

അറിവുകേട്‌ കൊണ്ടെന്നറിയു!

നിനക്കെന്നോട്  ക്ഷെമിക്കാം,

നിനക്കതിനുള്ള  മനസുണ്ടല്ലോ ?

നീയെത്ര ധന്യ , നീയെന്തൊരു ജന്മം !